يوميات بالحياه

بتاريخ :السبت 18 ديسمبر 2021

الناشر :انعام   عدد المشاهدات : 141 مشاهدات

بقلم/صادق المناسفى

ارضى بالمكتوب عشان تقدر تعيش فيها
لو أيامها هتتعبك خلي راحتك في لياليها
فيه حاجات ملكك غيرك نفسه لوبالدهب يشتريها
أرضى بالمكتوب دا مكتوب ودي حياة قلوب والصبر بيحليها
مع أني حبيت الحياة لقيتها ما كرهت حد قدي
وعاشرت خلق كتيروناس وللأسف لقيتهم واقفين ضدي
وما ملكت فيها غير أيام من العمر يااااه وبتعدي
ورضيت بالمكتوب في دنيا لا بتجيب ولا بتودي
يااااصحبي
طبيعي إنك تلوم الحياة وتقول إنك مكروه
ما أنت إللي مشيت في سكة خلاتك تتـوه
معرفتش تصاحب غير خاين وغشاش ومشبوه
الرضا مش بالكلام ده إختبار وأيام كتير بيجهلوه
حتى انت مغلطني طب عايزني اقولك إيه تاني
دااا فيه حاجات كتير جوايا مقدرش اقولهالك بلساني
أنت يلي شفت ضحكتي بس ما شفتش قد إيه  حرقة دمعتي وبعاني
أنت يالي كدبتني وصدقت الدنيا وهي ياخسارة  لا حساك ولا حساني
أنا عمري ما صدقت الدنيا بالعكس أنا مصدقك
بس أنا مش عايز أفكارك في هموم وحزن تعلقك
صاحب اللي يتصاحب وحب إللي من قلبه بيعشقك
وأبعد عن اللي يظلمك واقتل خوفك وحزنك وكل شيء بيقلقك
حب الحياة وسايرها عشان تقدر تعيش
واناهصاحب نفسي وأبعد عن ناس ما تساويش
ومن النهارده هرمي ورا ضهري أي شيء ما يهمنيش
هراجع حساباتي هصحح أخطائي وهعيش 
وهرضي بالمكتوب عشان أقدر اعيش

×

❮ ❯