هو السيسي بيعمل أيه بالظبط

بتاريخ :السبت 18 ديسمبر 2021

الناشر :محمود   عدد المشاهدات : 229 مشاهدات

هو السيسي بيعمل أيه بالظبط

بقلم / يوحنا عزمي 

ده سور مجرى العيون ، الأثر الشهير اللي عمره يقترب من ألف سنة ، واللي كنا بنفوت جنبه من سنتين تلاته بس نلاقيه عبارة عن مقلب زبالة كبير وخرابة وحمام عمومي شديد القبح.

عمل ايه الريس بقى ؟ شال ونضف وطور ورتب ، ليه بيعمل كده ؟ عشان هو قال جملة في يوم من الأيام بعتقد هي منهجه في كل حاجة ، جملة "لا يليق بنا" ، لا يليق بنا شبكة الطرق المترديه فنعمل شبكة عالمية ، لا يليق بنا ان الكهرباء تيجي ساعتين في اليوم ، لا يليق بنا أن نقلق واحنا عندنا جيش يسند قارة بحالها ، لا يليق بنا إهمالنا لأثارنا وتراثنا
وشكلنا الحضاري. 

حتى في إزالته للعشوائيات كانت بنفس المبدأ ، لا يليق بنا إنه يكون عندنا عشوائيات ، لا يليق بنا ان سور بجمال
وروعه وعظمة سور مجرى العيون يتحول لمقلب زبالة. 

النهاردة قريت خبر غريب بيختصر الحدوتة ، السيد مقتدى الصدر زعيم التيار الصدري في العراق بيشن هجوم حاد على حفلة محمد رمضان اللي كانت هناك ، بيقول مش عايزين نستورد من مصر حفلات رقص ومجون ، وفي نفس البيان بيقول عايزين من مصر تطور لنا البنيه التحتيه وتعلمنا
وتعملنا وتعرفنا إزاي نعمل أمن واستقرار سياسي ، عايزين نستورد تجربة عبد الفتاح السيسي اللي أنقذ مصر. 

ودي الحكاية باختصار ، محمد رمضان بيمثل بالظبط سور مجرى العيون ايام ماكان مقلب زبالة وعبد الفتاح السيسي بيمثل السور ده بعد تطويرة وشكله البديع ، أي مسئول هيقولك عايز من مصر شغلها الفلاني ونضافتها وعقلية رئيسها ، اكيد مش هيقولك عايز سور مجرى العيان لما كان مقلب نفايات ، اكيد مش عايز محمد رمضان بحفلاته. 

يارب الناس تكون فهمت إحنا ليه انتقدنا اللبس المبتذل في مهرجان الجونة وليه انتقدنا الفيلم المنحط إياه ، وليه بننتقد اغاني المهرجانات اللي فيها اسفاف وأباحة ليه ؟ عشان نفس المبدأ بتاع الريس "لا يليق بنا"

×

❮ ❯