إداره مشاعرك |جريدة الراي

بتاريخ :الأحد 16 يناير 2022

الناشر :شريف   عدد المشاهدات : 308 مشاهدات

كتب : بركات الكريمي 
لو بتصحى الصبح بصعوبة شديدة وبتبدأ يومك بتقل ودايمًا حاسس إن كل حاجة تقيلة عليك ومش عايز تعملها فأنت غالبًا بتعاني من الإجهاد وفقدان طاقتك النفسية في أشكال كتير للإرهاق النفسي اللي جايز ماتكونش واعي له، ودول أهم خمس أشكال منهم 
إجهاد الإكتئاب: من كتر المجهود اللي بتبذله عشان تواجه الأفكار السلبية، ومن تقل مشاعر اليأس والأحباط جواك. 
إجهاد المخاوف: من التفكير الزائد وإنتظار السيناريوهات المُظلمة اللي بتخليك في حالة ترقب مستمرة.
إجهاد المُبالغة في العطاء: لما بتقرر تاخد دور المنقذ دايمًا وتعيش في دواير إرضاء كل اللي حواليك على حساب نفسك وتستنفذ كل وقتك وطاقتك.
إجهاد المستقبل: لما بتعيش في بكرة وتفضل مركز على هدفك وتخدمه بكل طاقتك وتنسي إحتياجاتك النهاردة وتقصر فيها.
إجهاد التعاطف: لو أنت شخص عاطفي وحساسيته زايده بتستقبل مشاعر كل اللي حواليك وتمتصها جواك وبتتأثر بيها أكتر من صاحبها.
لو بتعاني من حاجة أو أكتر فأنت محتاج تبقى واعي لنفسك وتراعي حقها، جايز محتاج ترسم حدود جديدة أو تشتغل على أفكارك وإدارة مشاعرك، وجايز محتاج تعدّل حاجة بسيطة في نمط يومك تخليك تحافظ على طاقتك النفسية وتجددها..

×

❮ ❯