أصحاب وله لاموخذه |جريدة الراي

بتاريخ :الثلاثاء 25 يناير 2022

الناشر :شريف   عدد المشاهدات : 251 مشاهدات

كتب_ بركات الكريمي 
اللي ماشافش الفيلم يا جماعة نصيحة مايشوفهوش لانه فن مبتذل خالي من اي رسالة او هدف او قيمة ومضيعة للوقت ويقال انه منقول من عمل ايطالي بالحرف.
والقائمين عليه بدل ما يقتبسوا مع التعديل لما يتوافق مع مجتمعاتنا وادياننا وعاداتنا وتقاليدنا.... لا جابوه كده بقرفه بقـ..ذارته زي ماهو ...
الفيلم برة المألوف تمامًا وخارج عن الفطرة السليمة اللي ربنا خلق البشر بيها في كل مشاهده... البوس والاحضان بين الرجالة وزوجات اصحابهم عادي جدا... الفيلم بيحض على كل انواع الرزائل
كله الفاظ بذيئة وايحاءات مخجلة وشرب وسُكر وعربدة...اب ديوث لا يخاف على بنته وعرضه وماشي معاها بمبدأ( انتي حرة )
كلهم بيغلطوا وبيخونوا بعض ماعدا صاحبهم الشاذ الكيوت الطيب الحنين اللي بيحتويهم كلهم ومش بيغلط...النموذج المثالي اللي لازم المجتمعات تتقبله وترضى بيه وتصاحبه مش تنفر منه وتحرمه وتجرمه وتعالجه
وطبعًا مش حيبقى في اي موقف من النقابة لان اول تصريح حيطلع حيقولك :
(الفن لامؤاخذة ابداع وحرية وماينفعش نحجر على الفن 
الحرب دلوقتي علينا بقت اعلى واعمق من الاسلحة والرصاص والقتل والتشريد ...
بقت بسلاح اقوى واسهل واسرع (سلاح الفن)
الفن اللي بدل ما يستخدموه في خدمة المجتمع والارتقاء بيه وترسيخ قيمه ومبادئه وحمايتها وحماية هويتنا من الضياع بيدمروا بيه المجتمع وبينفذوا بيه خطط واچندات اشتغلت سنيين وسنيين بكل الطرق على ضياعه لغاية ما وصلوا لنهاية المطاف بالفكر دا...بيسرسبوا لينا الانحلال من غير ما نحس وبالتدريج حيبقى عادي وطبيعي وحنتعود عليه... ادام الفلوس الباهظة محدش يقدر من الممثلين يقول( لا) ويعمل اللي يتطلب منه حتى لو مخالف لمجتمعه... 
الاحتلال الفكري بقى ابسط بكتير اوي من الاحتلال بالجيوش والاساطيل...
بقى بالريموت كنترول وباديك لا بيد احد غيرك... لما تشترك في نتفيليكس وتدفع لهم فلوس يبقى انت اللي بتقولهم تعالوا احتلوني وغيروا فكري وديني وعقيدتي وقناعاتي...
تعالوا شوهوني وشوهوا عقلي وازرعوا فيا كل القبح والمسخ وامحوا كل قيمي ومبادئي وعاداتي وتقاليدي...
احنا داخلين على مرحلة اخطر بكتير اوي من اي وقت فات...احنا داخلين على حرب ابشع من حروب الدم... وربنا يستر علينا وعلى اولادنا يارب العالمين

×

❮ ❯