بشأن تعريب الطب عندنا - جريدة الراى

بتاريخ :الجمعة 24 يناير 2025

الناشر :مى باسم   عدد المشاهدات : 111 مشاهدات

.

 لو افترضنا ان اللى بيقترح تعريب الطب عندنا ودراسة الطب بالعربى من اهدافه والغرض منه انه يكون عندنا هوية طبية خاصة بينا. الهدف طبعا محمود لكن المنطق والواقع مينفعش معاه كدة فى الوقت الراهن. 
لكن أنا عندى اقتراح وبجد : احنا ليه ما دام تجربتنا مع طلابنا فى الدراسة بالانجلش مجرد معاناة بسيطة اول ترم اول سنة وخلاص بتنتهى غالبا وبيحصل تعود وتأقلم مع اللغة  طب احنا ليه منستغلش قدرة شبابنا وطلابنا فى اننا فى نفس الوقت نضيف لهم المصطلحات والدراسة كمان بالعربى فى المنهج بالاظافة للانجلش. وتأقلمهم اعتقد هيكون سريع. 
ثانيا وده الأهم اننا نبدأ نجهز قاعدة لنشر ابحاثنا باللغة العربية وننشئ محموعة من المجلات الطبية للنشر العربى ويكون لها تنظيم معين علشان نشجع كدة من دلوقت ونضع فى الاعتبار كمان وضع قواعد للنشر بالعربية فى لوائح ترقيات أعضاء هيئة التدريس والاطباء بالجامعات. 
واتمنى اننا نستفيد من خبرات علمائنا فى مجال الارتقاء بالنشر واقامة صرح علمى وبحثى عربى  طبى وأخص بالذكر العالم الكبير أ. د. محمود عبد العاطى Mahmoud Abdel-Aty ابن جامعة سوهاج اللى شرف مصر بحصوله على العديد من الجوائز العالمية وانشاؤه لصرح معامل التأثير العربى انه يشرفنا بأفكاره وخبراته فى قضية مهمة زى دى على المستوى الطبى كمان. 

أ. د. ندا عبد المحسن محمد

×

❮ ❯