التربية بالحب والوعي: طفلك يستحق الأفضل

بتاريخ :الاثنين 10 مارس 2025

الناشر :مى باسم   عدد المشاهدات : 50 مشاهدات

بقلم دكتورة / مي باسم

طفلك مش ملطشه تحت ايدك وتحت ظروفك و حسب مزاجك
حقيقه لو قعدنا وفكرنا ايه ذنبهم انهم لسه صغيرين مثلا مش بيعرفوا يتكلموا ويدافعوا عن نفسهم طيب ما احنا عيزنهم يتكلموا
حنعمل ايه
 الاول خلي بالك معايا.... 
طفلك بيخزن كل حاجه من عمر 3 سنوات بيخزن الطفل مواقف ممكن تستمر معاه العمر كله في ذاكرته
ملوش دعوه بحالتك النفسيه وعلاقتك بأهلك وصحابك
ملوش دعوه بظروفك الأقتصاديه والمصاريف والفواتير طفلك مش ملطشه  
 لما يجي يضربك او يزقك بلاش تهينه او تضربه امسك ايده بقوه مع نظره حاده
هيتعلم ان دا تصرف غير مقبول وهيتعلم اسلوب دفاع عن النفس ويصد ضربات الغير بدل ما يقابل العنف بالعنف وهيتجنب الكثير من المشاكل في حياته في المدرسه او النادي او الشارع
لما يجي يشرب من الكوبايه وتقع تتكسر متضربهوش هو ميعرفش انها هتتكسر ولا قاصد يرميها ممكن تكون تقيله او كبيره عليه ومش عارف يتحكم فيها
دايما خلي لطفلك أدوات خاصه بلاستيك يستخدمها بسهوله وامان
 لما يعيط ويزن متصرخيش في وشه وتقوليله كفايه بقي
انزلي لمستواه وافهميه وشوفي عايز ايه واقنعيه بسهوله ولو مقتنعش سيبيه يعيط لوحده من غير ما تزعقي وتزوديه هيسكت لوحده وان طالت المده
 لما يكون قاعد بلاش تفتحي مواضيع ونقاشات مع جوزك عارفه انها هتقلب بخناق
هو ملوش ذنب في مواضيعكم ولا مجبر يسمعها هو عايز بيت هادي ام واب متفاهمين
متقوليش هو شقي او مجنني او تذكري صفه سيئة فيه قدام حد واتكلمي معاه دايما خلي الاولويه لطفلك واسمعي منه
متسمحيش لحد يهين طفلك مهما كان دايما خليه خط احمر ولما يعمل تصرفات غلط علطول خديه في مكان منفصل واتكلمي معاه متسنتيش لما الناس تعدل وتتكلم عليه
كوني لطفلك كما يريد
ليكن لكي كما تريدي
كوني له ام بمعني الكلمه طفلك لا يريد منك اكل وشرب هو يريد منك ما لايستطيع غيرك ان يقدمه له
لا تقوم بتلبية طلبات الطفل مباشره
<< انتظر>>. تأخير ردودكم على الطفل ، من الإيماءات أو الحركات عندما يريد الأشياء. تظاهر كآنك  لا تفهم ما يريد  سيحاول طفلك  التواصل لفظيا
(مش فهمه عايز ايه الالوان ولا القلم)
توقفي عن استسهال الامور واتيحي الفرصة لطفلك  للتعبير عن نفسه لفظيا .

اخلق الفرص لاستخدام اللغة : هل يحتاج طفلك استخدام الكلمات من أجل التواصل ؟ العديد من الأسئلة التي تسأل قد تتطلب أطفالنا بالاجابه فقط بنعم او لا . لزيادة الحاجة إلى التواصل لفظيا ، قم بمحاولة طرح السؤال الذي يتطلب استجابة لفظية (زى"عايز تشرب ايه؟" ) .

القراءة لطفلك :  أفضل شيء يمكنك القيام به هو قراءة الكتب معهم.
اختيارالكتب الملونة مع صوركبيره بسيطة .
 تحدث عن الصور بدلا من مجرد قراءة النص .
 لتشجيع التفاعل مع طفلك قم بطرح الاسئلة عليه و  أشر إلى ما كنت تتحدث عنه
الأطفال مش لازم يتحملوا ضغوطنا أو مشاكلنا، هم محتاجين بيئة آمنة علشان يكبروا بشكل سوي نفسيًا وعاطفيًا.
التعامل بالهدوء والصبر بيخليه يكتسب مهارات التواصل بدل ما يتعلم العنف أو الخوف.

نصائح زي تأخير الاستجابة علشان يحاول يتكلم، أو طرح أسئلة مفتوحة بدل الإجابات القصيرة، دي حاجات ذكية بتنمي مهاراته اللغوية والاجتماعية. وكمان القراءة والتواصل المستمر معاه مش بس بيقوي علاقته بأهله، لكنه بيبني خياله ومهاراته المعرفية.

في النهاية، الطفل مش محتاج أم أو أب مثاليين، لكنه محتاج حد يحتويه ويفهمه ويحبه بدون شروط.

×

❮ ❯