مشاعرك السلبية

بتاريخ :الأحد 29 اغسطس 2021

الناشر :انعام   عدد المشاهدات : 292 مشاهدات

كتب د_بركات الكريمي 
مفيش حد عنده مناعة ضد المشاعر السلبية
كلنا بنغضب و بنحس بالذنب وبنحزن وبنخاف وبنزهق وبنحس بالوحدة
مفيش حد يقدر يهرب من المشاعر دي 
مفيش حد يقدر يمنع المشاعر دي 
المشاعر دي خلق الله فينا، وهي بوصلة اساسية للحياة المتزنة والسليمة! 
ومن حق اي حد انه يحس إنه واقع 
ومن حق اي حد انه ينهار 
من الأفكار السامة اللي منتشرة في مجتمعنا، هو إن أصحاب المسئوليات مش من حقهم يضعفوا او يتعبوا .. لإنهم السند والضهر
والضهر ما ينفعش يقع ولا يتعب! 
الحقيقة إن سلب الإنسان المسئول ابسط حقوقه الآدمية 
هي فكرة سامة مش بس عشان بتعيشه مرهق وتعبان
بس عشان كبت المشاعر دي وحرمان النفس من شيء بسيط جداً في طبيعتها بيأدي مع الوقت لمشاكل نفسية كبيرة جداً 
بتخلي الإنسان بعض فترة في حالة عصبية مستمرة 
او في حالة برود وخمول وتعب وإنهاك مستمرة 
وفي الحالتين بينتهي الحال بالتقصير في المسئوليات وكمان في أذية المحيطين بيه. 
افتكر دايمًا إنك انسان
من حقك تحس بأي نوع من انواع المشاعر
من حقك تبكي وتحزن ومن حقك تنهار! 
المهم إنك تتعلم إزاي تتعامل مع ده مش إزاي تهرب منه او تكبته!
لو مهتم إنك تتعلم عن إزاي"تتعامل" مع مشاعرك السلبية وتفهمها

×

❮ ❯