الاسفاف والعفاف

بتاريخ :الثلاثاء 07 ديسمبر 2021

الناشر :محمود   عدد المشاهدات : 375 مشاهدات

الاسفاف والعفاف 
كتب د_بركات الكريمي 
لما تشوف عمر كمال اللي بيغني "وأشرب خمور وحشيش" بياخد عربية بنتلي هدية في السعودية.
وحمو بيكا اللي بيغني "شقلطوني في بحر بيرة" بياخد سيف ذهب هدية من أسرة سعودية .
واكبر قناة وبرنامج توك شو في الوطن العربي بيستضيف ويحتفي لواحد كل إنجازه في الحياة أنه عمل أغنية من كلمة واحدة بينادي فيها على بطة
هتقدر تقنع ابنك وبنتك أزاي ان الاحترام والاجتهاد والتعليم هما سبيل النجاح او الوصول لمكانة اجتماعية مرموقة. 
هتقدر تزرع فيه القيم والمبادئ أزاي وهو بيشوف ان التخلي عنها هو سبيل سهل جدا للوصول للمجد والشهرة والثروة؟
هتقدر تقنعه أزاي ان التفاهة والاسفاف مش أقصر طريق لتحقيق الشهرة والنجاح في الزمن ده
هيجيلك انت شغف منين تكمل في السكة اللي مشيت فيها وفاكر أنها اللي هتوصلك لحلمك وانت شايف ان المقاييس اتغيرت واللي أنت بتعمله ده كله نفخ في قربة مخرومة وحاجات عفا عليها الزمن.
هتهرب أزاي من فتنة أنك تغير جلدك وتستسهل الطريق عشان ترضي طموحك.
صلي الله عليك يا حبيبي يا رسول الله صلى الله عليه وسلم، ،،
 حينما اخبرتنا ان بين يدي الساعه سنون خداعات (تنقلب فيها الموازين ) يصدق فيها الكاذب ويكذب فيها الصادق ويخون فيها الأمين ويؤتمن فيها الخائن وينطق فيها الرويبضه ،،،قيل ومن الرويبضة يا رسول الله؟
قال الرجل التافه يتكلم في امر العامه ،،،،

اسئلة صعبة وفتنة شديدة ربنا يعافينا منها وينجي الأجيال الجاية من الوقوع فريسة لها! 

ولا نجاة لنا منها الا اذا اعتصمنا بالله العلي العظيم وانشغلنا بطاعته وبتربية اولادنا علي حب الله تعالي ومعرف سيرة النبي صلى الله عليه وسلم ومدارسة سير القدوات الحقيقه ابطال الاسلام من صحابة نبينا صلى الله عليه وسلم ورضي الله تعالي عنهم اجمعين ،،،،

×

❮ ❯