العصاية السحرية |جريدة الراي

بتاريخ :السبت 01 يناير 2022

الناشر :شريف   عدد المشاهدات : 380 مشاهدات

متابعة بركات الكريمي 
بمناسبة السنة الجديدة عايزة اقول لكم حاجة نفكر فيها واحنا بنحط رؤيتنا او خططنا ل٢٠٢٢. 
مفيش عصاية سحرية هتخلي كل مشاكل حياتك تتحل وكل أهدافك تحصل لمجرد ان التاريخ اتغير من ٣١ ديسمبر ل١ يناير. 
التغيير وبناء الشخصية بيحتاج مثابرة ومجهود ووعي ووقوع ووقوف كتير جدا! عضلة بتمرنها يوم بيوم مش بتتوجد بين يوم وليلة. 

حدد اهدافك ورؤيتك للسنة الجديدة، بس فكّر كمان هتستعين بإيه وبمين عشان يساعدوك تستمر لما طاقتك تفتّر. هتبعد عن ايه ومين عشان بيعطلوك في كل حاجة. ايه الخطوات البسيطة جدا جدا اللي هتمرّن نفسك عليها عشان تبني بيها رصيد عند نفسك انت وتخليها تثق انك صاحب كلمة
ايه مساحة التطوّر اللي نفسك تحققها على مستوى حياتك الشخصية والعملية اللي تكون مناسبة لك انت ولشخصيتك وظروفك وقيمك، مش مجرد الترند رايح فين
جدد تاني الوجهة: انا مين؟ وموجود في الدنيا عشان اعمل ايه؟ ولما اقع (مش لو وقعت) هقول لنفسي ايه وهساعدها تقوم تاني ازاي. 
كل سنة وانتم راضين ومرتاحين

×

❮ ❯