الصفقة المنتظرة القادمة للزمالك - جريدة الراي

بتاريخ :الثلاثاء 04 اكتوبر 2022

الناشر :tareak   عدد المشاهدات : 190 مشاهدات

يكتب... محمود عبد الرحيم 

احدث الصفقات اللي من المتوقع انتهائها خلال الفتره القادمه هو يوسف حسن مهاجم وادي دجله وكابتن منتخب مصر 2003 

مش هقدر اكلمك علي قدرات الاعب الفنيه غير لما يتم الاعلان رسميا سواء من جانب بيدج النادي او علي لسان حد من الاداره 

لكن من المؤكد ان هناك مفاوضات قويه مع الاعب وخلاص الصفقه شبه حسمت والكلام ان العقد هيكون لمده 5 سنين 

من الناحيه الفنيه بدون تفاصيل اكيد لاعب مميز و من افضل لاعبي جيله بلا شك 

لكن دلوقت هنتكلم عن مدي افادته لسكواد الفريق من ناحيه اكتمال النواقص 

يوسف مركزه الاساسي مهاجم صريح ولكن في بعض الاحيان كان بيلعب جناح شمال 

واعتقادي الشخصي انو اكيد جاي كجناح شمال لكن احساسي انو هيكون موجود في صوره الوينج ليفت ك حد تحت السن وكدا بس بردو مازالت محتاج وينج ليفت اساسي تقيل 

دلوقت في معضله هتقابلك وهي ان عندك اصلا حسام اشرف اللي بيلعب مهاجم وجناح شمال بردو حتي مواصفاتهم قريبه بخلاف ان حسام احرف ويوسف اقوي 

فا دلوقت انت مفروض عندك اصلا حد تحت السن ممكن تعتبره مهاجم تالت مع سيف وسامسون بل ويخش ف منافسه وتعتبره بديل للوينج ليفت اللي جاي مع يوسف اسامه 

فا دلوقت هل اسكواد الفريق يشيل يوسف حسن وحسام اشرف ولا حد منهم يطلع اعاره؟ 

وجهي نظري وبما ان الاتنين امكانياتهك مميزه ف الحاله ترجع لفيريرا وتشوف تصنيحه لحسام ويوسف قام واللي تصنيفه ابعد اما يلعب مع فريق 2003 او يخرج اعاره واكيد هفضل الاعاره عشان يرجع بخبرات اكبر 

ولكن لو هتستخدم مثلا يوسف كماجم مع سامسون وسيف وحسام كوينج مع الوينج ليفت اللي هيجي ومع يوسف في الحاله دي القايمه تشيلهم عادي 

الموضوع متوقف علي فيريرا وتصنيفه ليهم سواء ترتيبهم في مراكزهم والمركز اللي هيحتاجهم فيه 

ولكن فيريرا معجب جدا بحسام اشرف وطلب تجديده عقده وبالفعل جدد ل 2026 بل ورفض اعارته حتي فا في لو يوسف جاي بنفس ادوار حسام افضله تكون اعاره ف الممتاز

هو تدعيم للمستقبل ويوسف من الاعيبه اللي لعبت ممتاز فتره وخبرته مش قليله ولعب بطولات مع منتخب 2003 وكان مؤثر لكن الفتره الاخيره مع وجود صلاح باشا دوره اصبح روتيشن بشكل كبير ولكنه مازال غيابه عن التشكيل مش كتير 

اتمني نعمل الافضل للشباب والناشئين اللي اتصعدو او اللي هتجبهم يعني اللي هيكون ف الصوره سيبه واللي عنده امكانيات كويسه ولكن مركزه في مكتمل في يخرج اعاره ويرجعلك جاهز انو يشيل الفرقه.

×

❮ ❯