كيف تحافظ علي حبيبتك لاخر العمر

بتاريخ :الثلاثاء 08 نوفمبر 2022

الناشر :ناهد   عدد المشاهدات : 408 مشاهدات

بقلم : شيماء شوقي 

المرأةليست نصف المجتمع فإن كان الرجل الجسد الذي خلقت المرأة من ضلع فيه  فهو الأمن والأمان لها  
 
بقلم شيماء شوقي                مفاتيح للغلق فقط.               
نبحث عن كل ما يقربنا ؛يجمعنا ؛يفتح بيننا طريق للعبور لطريق الأمان الطريق الذي لا يعرفه الكثيرون هو من الطرق المجهولة وليس مختفي أو ليس له أثر. فقط هو بعيد عن عيون وإحساس البعض منا 
قولنا كلمتين باللغة العربية ظبطنا أداء المقدمة حلو يالا بينا بقي تعملي فنجان قهوة وحضرتك يا أستاذ قهوتك ونتكلم بقي براحة راحتنا عايزة تحبي وتتحبي ؟عايزة تعرفي تخليه يحبك إزاي؟عايزاه يفضل معاكي العمر كله ومايزهقش منك أبدا؟....حلو اوي مافيش أسهل من كدا مفاتيحه اه هاتلنا مفاتيحه وهانقولك علي طريقة التحضير اه ركزي بس.
عايز تعرف تخليها معاك لأخر العمر إزاي ؟اه  من غير ما تزهق منك ولا تتمرد عليك ولا تبعد عنك وتديك ضهرها وماترجعش؟اممممم ماشي .
عايز تشكمها بس من غير تعنيف ولا إهانة ولا عصبية ؟
عايزها تعمل كل اللي بتحلم بيه معاها من غير ما تعارضك ولا تقولك حقوقي وحقوقك؟بسيطة جدا اه زي مابقولك كدا يا نجم اعرف مفاتيح الست تملكها إزاي.
لا يا مودام لا يا موزمازيل لا يا نجم ..مش كدا خالص .
المفاتيح دي مش موجودة أصلا زي مابقولكوا كدا.
ولو اجتهدوا ولاقيتوها انتوا بتقفلوا بيها وبس العلاقة مش محتاجة مفاتيح .
مين قال إن مفتاح الست هدية ولا خروجة ولا كلمتين يخدروا أعصابها فتعمل كل اللي انت عايزه !
مين قال إن طريق الوصول لقلب الراجل معدته ولا غسيل رجله بمية وملح ولا الجملة الشهيرة الفظيعة المرعبة جددي من شكلك يمكن زهق خلي بالك روحي اصبغي وانفخي واشفطي ليبص برا !
لا يا حلوين لا يا دكاترة الحياة والعلاقات  مش صحيح ركزوا بقي معايا وافهموا .
افتحوا الطريق بالصراحة من اول يوم أسلكوا يعني رجالة وستات ها رجالة وستات 
محدش يفهمني غلط .
خبطوا عالباب واهتموا بالتوقيت اهتموا بالحالة المزاجية اهتموا بالتفاصيل اهتموا بالاهتمامات وكأنها بتاعتكوا انتوا شخصيا .
اهتموا بالرضا في العلاقة اه خد حبيبك علي عيبوا بلاش تغيروا بس حاول تعمل معاه اللي انت بتحلم بيه منه أو نفسك يقدمهولك هايغير من نفسه لان بمنتهي البساطة الإنسان الطبيعي المحب للحياة مش عايز يعيش في تعاسة وبما أنه شريك يبقي أكيد عايز يكسب بإستمرار .
المودة والرحمة ذكروا في كل الأديان في نجاح العلاقات لا تنسوها وتقاطعوها .
بلاش تضيعوا وقت وانتوا بتدورا علي المفتاح لان بمنتهي البساطة ممكن حبيبك او حبيبتك يفتح الباب بنفسه وبقولك 
اتفضل خد قلبي واهتمامي ووقتي ومزاجي الحلو سيبكوا بقي من نصائح زمان ودلوقتي والله ماهي الا 
مفاتيح للغلق فقط.

×

❮ ❯