شبابيك كحك اسكندرانى/جريده الراي

بتاريخ :الأحد 23 مارس 2025

الناشر :سميه محمد   عدد المشاهدات : 396 مشاهدات

مقدمة على /الشيف رشا علي صالح 

المقادير

نص كيلو دقيق

كوب نص لبن ونص مية 

٢ معلقة  خميرة

١معلقه  سكر

ربع كوب زيت 

رشه  الملح

١معلقه ونص محلب  

٢معلقه  حمص اصفر مطحون ناعم 
  
الطريقة التحضير

بتحط الدقيق فى بولة عليه الخميرة والسكر والملح  
فى حلة ع النار نغلى المية واللبن مع المحلب والحمص 
نسيبهم يبردوا يبقوا زى دمعة العين ونبدا نعجن 
أول ما تتكون عجينه نضيف الزيت ونكمل كمان خمس دقائق عجن  نغطيها ونسيبها تخمر حوالى نص ساعه وبعدين نبدء نشكلها 
ناخد قطعة صغيرة بايدينا ونفردها طويل   رفيعة جدا وندوره دوائر صغيرة ونرصها على صاج مدهون جنب بعض بحيث يكون فيه مسافة صغيرة جدا علشان لما تختمر 
لحد ما يتكون شكل الشباك ونسبيه يخمر شويه نص ساعة 
بعد كدة ندهن وشه بالميه واللبن 
  
نسويه فى فرن حرارته ١٧٠ أو ١٨٠ درجة  لمدة ربع ساعة بالكتيره 
لحد ما يستوى ومش بيكون محمص اوى 
لأنه بعدما يطلع   بيقعد بينشف شوية
 مع كوب شاى بلبن
وبالف هنا

×

❮ ❯