طريقه عمل الفتة الاسكندراني بالخل والثوم ـ جريدة الراى

بتاريخ :الخميس 05 يونيو 2025

الناشر :مى باسم   عدد المشاهدات : 417 مشاهدات

مقدمه من الشيف/رشا علي صالح
المقادير
 3 أرغفة عيش بلدي ناشف ومكسر
 2 معلقة كبيرة سمن بلدي
 1/2 رأس ثوم مهروس
 2 كوب رز مصري
 1/2 كوب خل
 لحمة مسلوقة
 شوربة من سلق اللحمة

طريقة التحضير
 تحميص العيش
  نكسر العيش الناشف ونقلبه مع معلقة سمن بلدي و4 فصوص ثوم مهروسين
 نحط الخليط في صينية وندخله الفرن على الرف الأوسط، ونقلبه كل شوية لحد ما يتحمص ويبقى لونه بني ومقرمش
 تسوية اللحمة 
 نسلق اللحمة 
بالطريقة العادية ونحتفظ بالشوربة
 نهرس باقي الثوم ونحمره في 2 معلقة سمنة لحد ما لونه يصفرنضيف عليه 1/2 كوب خل ونسيبه يغلي شوية
 نضيف حوالي 3 كبشات شوربة ونغليهم مع بعض وبعدين نرفعهم من على النار
 تحضير طبقة الخبز
 نطلع العيش المحمص من الفرن، ونضيف له 3 معالق من خلطة التوم والخل ونقلبهم
 نغطيه بشوربة مغلية (كمية بسيطة) ونقلبه على نار هادية لحد ما يتشرب
 الرز
 نطبخ الرز المصري 
بالطريقة المعتادة بالشوربة علشان ياخد طعم

التقديم
نرص العيش في الطبق فوقه الرزونحط قطع اللحمة ونوزع شوية من صوص الخل والثوم من فوق
بالف هنا

×

❮ ❯