كبسوله أمان..مفهوم العلاقات_جريدة الراي

بتاريخ :السبت 08 يونيو 2024

الناشر :انجى على   عدد المشاهدات : 316 مشاهدات

كبسوله أمان..مفهوم العلاقات_جريدة الراي
 
بقلم د.صباح عبدالشافى
 
يعنى ايه علاقات ؟؟؟ وهل هى مهمه فى حياتنا ولا نقدر نعيش من غيرها؟؟
امتى ممكن احتاج اعمل علاقات مع اللى حواليا؟؟
اسئله كتيره مهمه، ومهم نجاوب عليها .
تعالوا نتعرف مع بعض على معنى العلاقه،
العلاقه هى رابطه بين طرفين او طرف ومجموعه اطراف.
زى علاقه الصداقه والعيله والزملاء فى العمل،كل علاقه ليها خصائصها ومميزاتها .
طب لو معرفتش اكون علاقات ايه المشكله الل هتعود عليا؟ كل الدراسات اثبتت ان الاشخاص الغير قادرين على تكوين علاقات سويه مع الآخرين بيكونوا اكثر عرضه للاكتئاب والعزله والامراض النفسيه.
اول علاقه بتتكون فى حياتنا هى علاقه الام بطفلها ، من اول سماعه دقات قلبها وهو نايم مستقر فى رحم الام. بتستمر العلاقه دى بعد كده من تبادل نظرات العين بين الام والطفل وبعدها الطفل بيبدا يتعلم ازاى يكون علاقه من تصرفات الآخرين، بنتعلم كل القيم والمبادئ زى الرحمه والاحترام والموده والتقدير والعدل والمساواه وحاجات كتير بيتعلمها ويكتسبها من معاملات اللى حواليه . 
اذن لو اتربينا فى أسره سويه وقضينا طفوله سعيده ساعتها هنكون عندنا صحه نفسيه سليمه و نكون قادرين على عمل علاقات سويه.كده نقدر نقول لما اقدر نفسي وتكون علاقتى مع نفسي سليمه هقدر اكون علاقات سليمه. وابعد عن الاشخاص والعلاقات المؤذيه اللى هيستغلوا ضعفى وعدم وضع حدود ليا انهم ينتهكوا حقوقى. احنا بنلجأ للعلاقات عشان نحصل على الامان والحب ونقدر نقول ان الامان اهم واعلى من الحب . وكمان عشان تستمر اى علاقه لازم يكون فيها الثقه والاحترام ومينفعش نتنازل عن حاجه فيهم.
وفالنهايه احب اقولكم ان قواعد العلاقات…
لما أسالك متكدبش عليا
لما أسمعلك متسرحش بيا
لما اكون مأمنلك بلاش تخونى
لما احتاجلك ياريت الاقيك معايا
تابعوونى.. كبسوله أمان

اخبار أخري

جميع الحقوق محفوظة لجريدة الراي المصرية