رئيس مجلس الادارة / وائل عبداللاه الضبع
نائب رئيس مجلس الإدارة / رحاب على
رئيس تحرير تنفيذى/ منى الطراوى
رئيس مجلس الادارة / وائل عبداللاه الضبع
نائب رئيس مجلس الإدارة / رحاب على
رئيس تحرير تنفيذى/ منى الطراوى
الناشر :mohamed عدد المشاهدات : 429 مشاهدات
كتبت/ آيه رضا
حرصت جريدة وقناة الرأي العام المصريه بإجراء الحوار مع النجم المتألق مصطفي محي الدين
وإليكم نص الحوار /
مصطفى محمود محي الدين صادق وشهرته " مُـصطَفَىٰ مُـحي " ، يدرس في الفرقة الأولى بقسم النحت في كلية الفنون الجميلة - جامعة المنيا .
- عملي الفني ده عبارة عن لوحة نحت بارز على مساحة 100×70 سم ، من خامة الطين الأسوانلي أو الأسواني وبتعبر عن السياحة في مصر .
- بدأت شغل في العمل ده لما نزل علينا مشروع نحت بارز مضمونه الترويج لسياحة المصرية ، فبدأت في التفكير في الديزاين أو التصميم اللي أنفذه ويكون بسيط وفي نفس الوقت يوصل الفكرة بشكل سريع لكل اللي يشوف العمل الفني وده لإني شايف دايماً إن نجاح العمل الفني بيكمن في بساطته ، وطبعاً المساحة اللي هيتنفذ عليها العمل كانت تحدي بالنسبالي ؛ لإني أول مرة أشتغل على مساحة كبيرة بالشكل ده لإني بعتبر نفسي لازلت مبتدئ .
- فبدأت في رسم السكتش والتصميم اللي هنفذه وعرضته على أساتذتي : د / عامر الجداوي ، د / إيناس إبراهيم واللي بصراحة كانو أصحاب فضل بعد ربنا سبحانه وتعالى في ظهور العمل بالشكل ده وخصوصاً دكتورة إيناس واللي تعبتها معايا جداً خلال فترة الشغل واللي كانت حوالي 3 أسابيع .
- اخترت في التصميم أكتر حضارتين منتشرين في مصر اللي هما الحضارة الفرعونية أو المصرية القديمة وكمان الحضارة الإسلامية ، فاخترت أهرامات الجيزة ومعاهم مسجد ابن طولون وكمان المركب المصري القديم واللي بيظهر وكإنه بيحمل الأهرامات والمسجد جواه مع ظهور بعض الحركات في جسم المركب نفسه . وكان من المفترض إني هضيف معالم تانية زي برج القاهرة ودير سانت كاترين أو أديره وادي النطرون لكني فضلت أحافظ على بساطة التصميم ، وفي نفس الوقت قررت إني أبدأ في عمل جديد بيعبر عن جميع أنواع السياحة في مصر .
- هدفي من العمل ده إنه يتشاف بره مصر وأتمنى أكون عبرت بشكل راقي يليق بالسياحة المصرية عن جزء بسيط من حضارتنا العظيمة ، وهدفي في جميع أعمالي عموماً بيكون إظهار مشكلة معينة أو تسليط الضوء على موضوع معين محتاج يتعرف أو تصحيح معلومة مغلوطة.
- حابب كمان أتكلم عن صحابي اللي هما كمان عملو أعمال فنية جميلة جداً وده إن دل على حاجة فهو بيدل على تعب دكاترتنا معانا فإنهم يوصلو بينا لأعلى المستويات وفي أقل وقت ممكن كمان ، فكل الشكر لأساتذتي مش بس في النحت البارز لكن كل الدكاترة في كل المواد واللي فعلاً فخور وليا الشرف إني بتعلم من حضراتهم جميعًا
