مين قال انك وحشة ! .. "خسارة" "رودينا أسامة".. ماتت بالسكتة القلبية بسبب التنمر (موقع الراي)

بتاريخ :الثلاثاء 28 فبراير 2023

الناشر :ناهد   عدد المشاهدات : 256 مشاهدات

متابعة: نهال فتحي 

بنت جميلة في أولي ثانوي .. كانت بتتعرض للتنمر من زمايلها اللي معاها في الفصل ، وكانوا يقولولها "انتي مش من مستوانا .. انتي وحشة .. شوفي شكلك عامل إزاي ! " وكلمات صعبة ومؤلمة !
رودينا قالت لأهلها وقدموا شكوى.. وإدارة المدرسة مخدتش أي ردة فعل .. 
فضلوا يتنمروا عليها .. لحد ما خرجت من المدرسة في مرة مُنهارة ووقعت قدام أهلها وماتت بـ "سكتة قلبية". 
وده من الحزن والألم اللي كانوا جواها ومتخزّن.. 

    ـــــ  ياريت تربّوا ولادكم كويس  ـــــ
• ربّوا ولادكم علي التواضع .. ومحبة الآخر "بلاش عُقد النقص"
• ربّوهم ان مستوي الإنسان بأخلاقه وتربيته ، مش بالجمال ولا بالفلوس و"العنطزة الكدابة".. 
• ربّوا ولادكم انهم يحترموا غيرهم ويشوفوا حلاوة ربنا في كل واحد 
• ربّوا أولادكم وعلموهم أن التنمر على شكل الآخرين "قلة أدب" مش "خفة دم" !
• ربّوهم ان الكلمة بتقتل، والحزن بيقتل ! 
• علّموهم أن التنمر أسوأ جريمة والمتنمرين احط واحقر الأشخاص في مجتمعاتنا!
• علّموهم أن التنمر والاستهزاء والتقليل من شكل ووزن وجنسية الآخرين عمل "غير أخلاقي" ومرفوض في الإنسانية والقانون والعقل والمنطق .!
•  ربوا ولادكم بردوا إنهم يثقوا بنفسهم ومفيش حاجة تأثر فيهم 

ربنا قال انه هينتقم من الناس المُتكبرة والمُتنمرة .. 
 قال : "الاِسْتِهْزَاءُ وَالتَّعيِيرُ شَأْنُ الْمُتَكَبِّرِينَ، وَالاِنْتِقَامُ يَكْمُنُ لَهُمْ مِثْلَ الأَسَدِ." (سي 27: 31)

ربّوا ولادكم صح علشان يبقوا أسوياء نفسيًا يقدروا بعد كدة يربوا اجيال متزنين نفسيًا !

×

❮ ❯