مسجله بالمجلس برقم 0191160
رئيس مجلس الادارة / وائل عبداللاه الضبع
نائب رئيس مجلس الإدارة د / اميره بلال
رئيس تحرير تنفيذى/ منى الطراوى
مسجله بالمجلس برقم 0191160
رئيس مجلس الادارة / وائل عبداللاه الضبع
نائب رئيس مجلس الإدارة د / اميره بلال
رئيس تحرير تنفيذى/ منى الطراوى
الناشر :سلمى عبد الفتاح عدد المشاهدات : 104 مشاهدات
كتب/ محمود جلال
عمرك حسبت كم ساعة بتقضيها على الموبايل في اليوم؟
وسألت نفسك: عملت فيهم إيه؟
السوشيال في الأصل وسيلة، بس لما الوسيلة تتحول لهدف، بتبدأ المشكلة.
تفتح التطبيق خمس دقايق، تلاقي نفسك قعدت ساعة.
تشوف صور الناس وتقول: همّ اللي مبسوطين
لكن يمكن هم كمان بيقولوا نفس الجملة عنك!
احنا عايشين في عالم بيخلّي المقارنة عادة، وكل لايك بيبقى جرعة رضا مؤقتة، بس بعدها فراغ أكبر... وقلق أكتر... المشكلة مش في وسائل التواصل، المشكلة فينا لما نسيبها تسرق منّا الهدوء، والتركيز، والعُمر.
الوقت اللي بتقضيه قدام الشاشة هو من عمرك،
والعمر ده أمانة.
سيدنا النبي ﷺ قال: "نعمتان مغبون فيهما كثير من الناس: الصحة والفراغ."
ما تسيبش الفراغ يغلبك، ولا الموبايل يشغلك عن رسالتك.
ارجع للحياة اللي بتتنفس، للكلام الحقيقي، للضحكة اللي من القلب، للدعاء اللي بينك وبين ربنا بتحكيله، وبتسأله، وبتناجيه..
ارجع لحضن بيتك، لصوت أمك، لعيون أولادك،
لأن كل ده مش على الموبايل... ده هاتلاقيه في الحياة اللي مستنياك.
خلي السوشيال تخدمك، مش تستهلكك.. خليها وسيلة تبني بيها، مش تهرب بيها.. وابدأ النهارده بخطوة صغيرة: قلّل شوية من الوقت، وافتكر إن اللي بيكسب عمره... هو اللي فعلاً كسب الدنيا والآخرة.
اللهم احفظ عقولنا من الغفلة، وبارك في أوقاتنا وأعمارنا، واجعل كل لحظة في حياتنا خطوة في طريق رضاك يا أرحم الراحمين.
