صباح حبك يا بلادى الغالية

بتاريخ :الجمعة 20 اكتوبر 2017

بقلم / فاطمة نعيم
صباح حبك يا بلادى الغالية
ياالى حبك فى قلبى كل لحظة وكل ثانية
ولكل عاشق لها ألف ومليون تحية
يا امى ياحتة منى وانا حتة منك يا قلبى وعنيا
طول عمرها حضنانى بحنية
لاكلت ياناس ولا تعبت ولا قالت كفاية عليا
أه حنينة على ولادها ولكن على الخاين والجبان قاسية وقوية
ما هى أمى وحبيبتى ست الكل أم الدنيا 
سندى وضهرى الحرة الأبية
ولو فكر غريب إنه يقرب منها
ينهشه أسودها فى التو والثانيه
فداكى روحى يا عمرى فداكى قلبى وعنيا
وفى عيد الام أنا جبتلك أحلى هدية إبنى وبنتى
إبنى وبنتى علمتهم حبك ...عرفتهم إنك نجمة فى السما عالية
وإن حبك قرب لربنا فرض وسنة نبوية
لايبعدوا عنك ولا عمرهم ينسوكى ولا يفرطوا فى حقك 
ويبيعوا عشانك الدنيا...
ومنى ومنهم بوسة على جبينك يا حب عمرى ونسمة من الجنة
منى ليكى احلى اشعارى يحميكى ربنا من كل بلية
بحبك يا مصر

جميع الحقوق محفوظة لجريدة الراي المصرية